（英國）政府開始佇一些車頭示範環保交通計畫 英國運輸大臣 Ruth Kelly 佇上禮拜（2008年七月）宣布一項佇 England 共 Wales 實施兮車站運輸計畫。 目標是鼓勵坐火車兮乘客儘量勿駛車佮用對環境更加友善兮交通方式來去車頭。這計畫也可以降低車頭附近兮堵車情形。

這是因為舊年（2007）政府面對民間舉辦兮「較好兮交通政策運動 (Campaign for Better Transportation, CFBT)」來推出兮鐵道交通政策。計畫係鐵道經營聯盟 (the Association of Train Operating Companies)、地方政府、鐵道工程公司 (Network Rail)、乘客保護基金會 (Passenger Focus)、鐵道安全佮標準委員會 (Rail Safety and Standards Board) 來作伙準備。

每一個車頭攏會計畫增加腳踏車停車設備、改善公車轉乘系統佮提供更加清楚兮轉乘資訊。全部總共有24個車頭，包括 Derby, Leeds, Shotton, Southend 佮 Truro 這幾兮先開始示範測試。

CFBT 執行董事 Stephen Joseph 講「阮真歡喜政府佮鐵道公司已經接受這兮觀念。阮希望有越濟車站會當加入。駛汽車去車頭的人會減少，按呢碳素兮排放亦會減少」。
(Planning, 2008.07, Government launches station pilots to broaden green access)

這是兩冬前兮舊消息，到今日曼徹斯特幾個主要車頭並無看著明顯兮改變。佇 Oxford Road 車站腳踏車停車位猶原是古早前就隨了新落成兮車頭設置兮。佇另一個主要車站 Piccadilly，甚至無腳踏車專用兮鎖車設備。不過不管是佗一個車頭都會使簡單簡單將車牽去月台上火車。用腳踏車淋雨突風通勤兮人嘛是未少。雖然如此，車頭若有提供鎖車兮停車架也較是方便。

佇倫敦，有可能是新市長真愛騎腳踏車上下班兮關係，不只車頭附近，甚至是全倫敦，對腳踏車使用者來講確實有真大兮改變。不管是停車架亦是腳踏車路攏清清楚楚是一陣了解腳踏車使用者兮專業規畫者來設計、規畫。這是上基本兮，其他兮佮有跟銀行 Barkleys 合作兮公共腳踏車計畫，不只是看來頂針兮腳踏車，清楚兮腳踏車地圖佇全部兮稅車站攏看得著。因為如此，用腳踏車來上下班抑是去學校兮人，不管是自己兮也是稅來兮，真正有增加，我想，應該是因為殷確實感受著這都市正港有關心腳踏車使用者兮需要，毋是嘴皮罔講而已。